Дауысы Димашқа ұқсайтын жезқазғандық Мәди жеңімпаз атанды (видео)

Жезқазғандық 11 жастағы Мәди Аманбаев «Аялаған Астана-2017» балалар арасында өткен V республикалық телевизиялық байқауының жеңімпазы атанды. 

Бұған дейін Мәди әлеуметтік желіде Витастың «Опера №2» әнін Димаш сияқты орындап, дүйім жұртқа танылған еді.

Мәди 5 сыныпта оқиды. Қарапайым отбасынан шыққан. Әкесі – шахтер, анасы – үй шаруашылығында. Мәди тоғыз жасынан бері өнер мектебінің вокал бөлімінде оқиды.

Baq.kz хабарлағандай, соңғы үш жылда үш рет республикалық “Ғұмырдария” байқауында Гран-при алған. Сондай-ақ, Түркияда өткен Аrt-Bayterek халықаралық ән байқауының бас жүлдесін иеленген.

«Болашақта Димаш Құдайбергенов сияқты танымал болып, Қазақстанның атын әлемге таныту арманым», — дейді Мәди.

#Repost @tansholpan_tv with @repostapp ・・・ Мысты қала Жезқазғанның тумасы, небәрі 11 жастағы Мәди Аманбаев ресей әншісі Витастың әнін жоғары деңгейде орындап, әлеуметтік желі жұлдызына айналған болатын. Кішкентай Мәди «Димаш ағам сияқты еліміздің атын әлемге паш еткім келеді» — дейді. Пейіліңнен айналдық! Өркенің өссін! ➖➖➖➖ @tansholpan_tv ұжымына мың алғыс🙏🏻

Публикация от Аманбаев Мади Дауренұлы (@madi_amanbaev) Мар 28 2017 в 1:24 PDT