Дәурен Айдарқұлов: Сабырлы ер адамға- сабырлы әйел керек

Отандық актер Дәурен Айдарқұлов бойдақ жігіттерге әйел таңдау жөнінде кеңес берді. Өнер иесі көпшілікке өз тәжірибесін бөлісті. Бойдақтарға арналған кеңесін Дәурен Айдарқұлов Instagram парақшасында жариялады. «Менің ата-анам, достарым мені бала күнімнен сабырлы деп санайтын. Мен өзім де осындай ойдамын. Сондықтан мен сияқты сабырлы адамға пысық, шапшаң, белсенді әйел керек деп ойлайтынмын. Расымен, солай болды. Менің бірінші және екінші әйелдерім пысық болды. Бірақ, менің басымдағы ойды өзгерткенде таңғалдым. Сөйтсем, сабырлы ер адамға сабырлы әйел керек екен. Ал шапшаң, белсенді ер адамға сондай әйел керек. Дәл осындай жұптың отбасылық өмірі ұзақ әрі бақытты болатынын статистика дәлелдеген. Осы жерде бойдақ азаматтарға айтқым келеді. Өзіңіз секілді адамды іздеңіз. Пысық, шапшаң адамға — пысық әйел, сабырлы ер адамға — сабырлы әйел керек. Бақытты болыңыздар», — деді Дәурен Айдарқұлов.

JQ-Aqparat