Дәурен Айдарқұлов Ақботанұрды КешYou тобынан алып шығу үшін көп ақша төлеген

Сурет: instagram.com/akbotanurabaykyzy

КешYou тобының бұрынғы әншілері Динара Сәтжанға берген сұхбатында әнші һәм актриса Ақботнұр Сейітмағамбет бұрын-соңды айтпаған сырдың бетін ашты.
Кезінде ол КешYou тобында өнер көрсету үшін 7 жылға келісімшартқа отырған. Бірақ екі жылдан кейін Дәурен Айдарқұловқа тұрмысқа шығатын болып, бұрынғы күйеуі айыппұл төлеуге мәжбүр болған.

«Мұндай ақпаратты көп жерде айта бермеймін. Бізде КешYou тобымен 7 жылдық келісімшарт болған. Бірақ пешенеме жазылған тағдырыма байланысты 2 жыл ғана жұмыс істедім. Алайда уақыт өте келе өзімнің сүйіктімді киноға түсіп жүргенімде жолықтырдым. Қазір 8 жасар ұлым, 6 жасар қызым бар.

Тұрмысқа шығамын деп бір жағынан балалық болды ма, сол уақыттары айыппұлды күйеуімнің төлеуіне тура келді», — дейді Ақботанұр Сейітмағамбет.

Айта кетейік, бұл сұхбатта топта ән айтқан қыздар талай әңгіменің басын ашты. Шындығын айтқанда, Динара Сәтжанның мұндай сұхбатты қандай мақсатта ұйымдастырғаны түсініксіз. Себебі кей тұсында Баян Алагөзова мен Бағым Мақсатқызы туралы жағымсыз пікірлер де айтылып қалды.

JQ-Aqparat