Дәулет Мұқаев: «Жас отбасы» бағдарламасының бастапқы жарнасын 10 пайыздан асырмау керек!

Мәжілістің жалпы отырысында депутат Дәулет Мұқаев «Жас отбасы» бағдарламасының бастапқы жарнасын 10 пайыздан асырмауды ұсынды.

Үкімет басшысының бірінші орынбасары Роман Склярдың атына депутаттық сауал жолдаған Дәулет Мұқаев: «Әділет министрлігінің Тіркеу қызметі және заң қызметін ұйымдастыру департаментінің мәліметі бойынша 2022 жылы 129 707 жұп некеге тұрса, 51 220 жұп ажырасқан. Бұл дегеніміз үйленген жастардың 40 пайызға жуығы ажырасады деген сөз. Ажырасудың басты себебі материалдық қажеттілік екенін ескерсек, баспана бірінші орында», — деді.
Дәулет Мұқаев «Жас отбасы» бағдарламасының бастапқы жарнасын 10 пайыздан асырмауды ұсынды. «Бүгінде «Отбасы банкі» тарапынан жүзеге асып жатқан «Жас отбасы» бағдарламасында бастапқы жарна 50 пайызды құрайды. Мұндай қаражатты жастар жинай алмайды», — деді халық қалаулысы.

JQ-Aqparat