Дархан Қыдырәлі: Мемлекеттік медиадағы қазақ тілінің үлесі 83 пайызға жетті

Астанада өтіп жатқан «Qazaq Forum» интернет форумында Ақпарат және қоғамдық даму министрі Дархан Қыдырәлі сөз сөйлеп, БАҚ-тағы мемлекеттік тілдің үлесі артқанын айтты. Мәселен , өткен жылы мемлекеттік БАҚ-тағы қазақ тіліндегі контенттің үлесі 83 пайызды құраған. «Телеарналардағы қазақ тілінің үлесі 77 пайызға жетсе, баспа БАҚ-тағы — 85 пайыз, интернет-ресурстарда — 87 пайызға жетті. Медиа нарықта қазақ тілді БАҚ-қа жарнама берушілер қатары да артып келеді. Қазақстандық ресурстарда PR мақалалардың орналастырудың өсімі байқалады.

Осы ретте, интернет-жарнаманы реттеу, әлеуметтік желілердегі интерфейс пен жарнамалық алгоритмдерді, монетизациялау жүйесін қазақ тілінде жасау өте маңызды»,-деді министр.
Бұл мәселе министрлік әзірлеп жатқан «Интернет-жарнама және онлайн-платформалар туралы» Заң жобасында қарастырылуда. «Жалпы, бұл заң жобасы бірінші кезекте азаматтардың құқығын қорғауға, онлайн-ортаны қауіпсіз және ашық түрде дамытуға бағытталған. Өздеріңізге белгілі, бүгінде БАҚ саласындағы заңнаманы жетілдіру жұмыстары жүріп жатыр”,- Дархан Қыдырәлі.

Jq-aqparat