Дәния Еспаева: Ғылымға бөлінетін қаржы көбейді, бірақ нәтиже жоқ

Еліміздегі ғылым саласындағы қызметте бөлініп жатқан қыруар қаржыға қарамастан елеулі нәтиже көрінбейді. Мәжіліс төрағасының орынбасары Дәния Еспаева осылай деп мәлімдеді.

«Соңғы бес жылда елімізде ғылымды дамытуға жұмсалатын шығын 60 пайызға дейін өсті. Олардың басым бөлігі бюджет қаражатынан құралған. Өткен жылы ғылыми-зерттеу және тәжірибелік-конструкторлық жұмыстарға жұмсалатын қаржы 89 млрд теңгеден 109 млрд теңгеге дейін ұлғайды. Қабылданып жатқан шараларға қарамастан, ғылым саласында, ғылыми-техникалық қызметте елеулі нәтижелер байқалмайды», — деп атап өтті Мәжіліс төрағасының орынбасары.

JQ-Aqparat