Чип тағу қаңғыбас ит пен мысықты азайтады

«Жануарларға жауапкершілікпен қарау туралы» заңға сәйкес, биылғы 1 қыркүйектен бастап мысық пен итке чип тағып, оларды арнайы есепке қою міндеттеледі.

Үй жануарларының басқа түрлерін есепке алу ерікті түрде жүргізіледі.
Қазақстандықтар үшін электрондық жүйеге жануарлары туралы ақпаратты енгізу тегін болмақ. Ал чип тағу үшін мысық пен ит иелері өз қалтасынан ақша шығарады. Әлеуметтік осал топтағы азаматтарға бұл қызмет тегін.
Ірі қалаларда мысық пен итке иттерге чип тағу қызметінің бағасы — 3,5-8 мың теңге аралығында.
Мамандардың айтуынша, чип тағу үй жануарларын асыраушылардың жауапкершілігін арттырып, көшедегі қаңғыбас мысық пен иттің санын азайтуға сеп болады.

JQ-Aqparat