Бұрынғы уақытты қайтару туралы петиция: ДСМ қазақстандықтардың аз ауыра бастағанын айтты

16 шiлде 2024, 20:03

«Уақытты кері қайтару» петициясын қарау жөніндегі жұмыс тобының екінші қоғамдық тыңдауы өтті. Түрлі саладан шақырылған сарапшылар алғашқы кездесуде көтерілген петиция авторының сұрақтарына жауап берді, — деп хабарлады Сауда және интеграция министрлігінің сайты.

UTC+5-ке ауысқаннан кейінгі медициналық мекемелерге жүгінулер мен аурулар статистикасы жарияланды.

Денсаулық сақтау министрлігі ғылым және адами ресурстар департаментінің директоры Алмагүл Қауышева:

— Бірыңғай уақыт белдеуін енгізген күннен бастап көп уақыт өткен жоқ, алысқа баратын қорытынды жасауға әлі ерте. Биылғы маусым айындағы мәліметтер бойынша алғашқы медициналық-санитарлық көмек көрсету ұйымдарына жүгінген адамдар саны 0,1%-ға азайды. Ағымдағы жылдың 6 айда қан ауруларының 13,7%-ға, психикалық және мінез-құлықтық бұзылыстардың 11,3%-ға төмендеуі байқалды, онкология бұрынғы деңгейде қалды. Аймақтық тұрғыда ШҚО-да қан айналымы жүйесінің ауруларының 15,9%-ға, онкологияның 1,5%-ға және психикалық бұзылулардың 12,2%-ға төмендеуі байқалды. Алматы қаласы бойынша қан айналымы жүйесі ауруларының 55,7%-ға, онкологияның 2,3%-ға, психикалық бұзылулардың 15,8%-ға төмендеуі байқалады.