Брук Головкинмен айқастан кейін ауруханаға түсті

Британдық боксшы Келл Брук казақстандық Геннадий Головкинмен айқастан соң ауруханаға жатқызылды, деп хабарлайды Sky Sports.

Британдық журналистердің, «Брук ауруханаға сақтық үшін апарылған, — дәрігерлерге Головкиннің үсті-үстіне тынбай сілтеген соққыларынан соң зардап шеккен көзін тексерту қажет. Осыған байланысты Келл жекпе-жектен кейінгі дәстүрлі баспасөз мәслихатына қатыса алмады»,-деген сөздерін келтіреді Sports.kz.

Еске сала кетсек, бесінші раундта өз спортшысының денсаулығынан қорыққан Бруктың бапкері Доминик Ингл рингке сүлгі тастаған болатын.

Сөйтіп, GGG өзінің кезекті жеңісін нокаутпен аяқтады.

ҚазАқпарат