Борышкер шетел асып кетсе де, алимент өндіріп алуға болады (видео)

Бүгін Сенатта мақұлданған заң жобасы арқылы осындай мүмкіндік пайда болады. «Жалпы еліміздің сот шешімін шет мемлекеттерде қолдану қиын үдеріс. Сондықтан халықаралық құқық жөніндегі Гаага конференциясының жарғысын қолданысқа енгізіп, әкенің бала алдындағы міндетін мүл-тіксіз орындатуымыз қажет», — дейді әділет министрі Марат Бекетаев.

Осы мақсатта әзірленген құжат Сенат қарауына ұсынылып, толық қолдау тапты. Рашит Әкімов, ҚР Парламенті Сенатының депутаты: — Айтылған құжатқа байланысты балалар құқығын қорғаудың нақты нәтижелері бар ма? Бүгін қарап отырған құжатымыз болашақта қалай көмектеседі. Марат Бекетаев, ҚР Әділет министрі: — Қазақстандық органдардың шешімін шетелде тұрып жатқан тұлғаларға қолдану үшін тану мен орындау рәсімдерін өткізу қажет. Аталған мәселені шешу үшін шет мемлекеттермен әр түрлі салада тығыз ынтымақтастық орнату қажет. Гаага конференциясына қосылу бізге осындай мүмкіндікті береді.

24.kz