Боранда адасқандар ауылдан 6 шақырым жерден табылды (Видео)

08 ақпан 2024, 19:23

8 ақпан күні сағат 00:46-ден бастап Ақтоғай ауданы Айыртас ауылында ТЖД күштері 7 ақпан күні сағат 14:00 шамасында белгісіз бағытқа үйден шығып кеткен 1993 жылы туған әйел мен 2017 жылы туған баланы іздестірді.
8 ақпан сағат 08:50-де іздестіру тобы жоғалғандарды Айыртас ауылынан 6 шақырым жерден тапты. Құтқарылғандар ауруханаға жеткізілді.
ТЖМ: «Құрметті азаматтар! Ауа райы болжамын қадағалаңыздар. Қолайсыз ауа-райында, қарлы боран кезінде үйден шығу қауіпті. Қарлы боранда туған ауылың да бейтаныс болып көрінуі мүмкін. Өзіңізге және жақындарыңызға абай болыңыз!», — деп сақтандырады.