Болат Әбділманов: Қырық жасқа таяғанда ұшақтан қорқа бастадым

Актер Болат Әбділманов өмірде ұшаққа отырудан қорқатыны жайлы отандық бағдарламаға сұхбат берген кезде сөз етті.

«Ұшаққа отырмауға тырысамын. Ұшаққа отырудан қорқамын сол себепті өзімнің көлігіммен немесе пойызбен жүруге тырысамын. Бірақ кей кезде көлік те, пойыз да бармайтын жерлер болса, ұшаққа отырамын, әрине. Жұмыс бабымен шетелдегі түсірілімдерге барғанда отыруға тура келеді. Ал еліміздің кез келген аймағына басқа көліктермен жетемін. Ұшаққа мінген соң, дұғаларымды оқимын. Басқа адамдар алаңсыз ұйықтап немесе кітап оқып отырады ғой. Ал мен әрдайым ұшақтың моторының даусына, басқа да дыбыстарға елеңдеумен отырамын. Негізі, бұрын қорықпай отыра беретінмін. Қырық жасқа таяғанда ұшақтан қорқа бастадым. Санамда бір өзгерістер болды. Таныстарым ұшақ апатынан қайтыс болды. Театрдағы бір актердің анасы осы ұшақ апатынан қайтты. Соның бәрі әсер етті», — дейді Болат Әбділманов.

JQ-Aqparat