БҚО: Балалар өрттен көпқабатты үйдің терезесінен секірді

22 қараша 2024, 16:06

Өрт 22 қараша күні таңертең Ақсай қаласындағы 10 шағын аудан, №19 үйде болған. Әлеуметтік желіде оқиға орнынан жан түршігерлік кадрлар тарады. Батыс Қазақстан Төтенше жағдайлар департаментінің мәліметінше, төртінші қабаттағы пәтерде жиһаздар мен жеке заттар өртенген. Өрт аумағы 60 шаршы метрді құрады. Құтқарушылар 12 адамды эвакуациялады, оның жетеуі балалар.

Mgorod басылымының мәліметі бойынша, видеода екі кішкентай бала төртінші қабаттың терезесінен секіріп, төменде оларды шүберекпен ер адамдар ұстап алады. Өкінішке қарай, екінші бала құлағаннан кейін кенептің шеті үзіліп кетті. Екі бала да ауруханаға жеткізілді. Денсаулық сақтау басқармасының баспасөз қызметі олардың жағдайы туралы кейінірек ақпарат беретінін айтты.

Өрт сағат 9:47-де сөндірілді. Өрттің шығу себебін мамандар анықтап жатыр. Ақсай қалалық әкімдігі жағдай өз бақылауында екенін айтып, отбасына көмек көрсетілетінін хабарлады.