Биыл әскери шеру болмайды

Биыл елімізде 7 мамыр — Отан қорғаушы және 9 мамыр — Жеңіс күні мейрамына орай әскери шеру болмайды.
Қорғаныс министрлігінің баспасөз қызметі хабарлағандай, бюджет қаражатын үнемдеу мақсатында және басқа да міндеттерді шешу қажеттігіне байланысты биыл елімізде әскери шеру өтпейді. Хабарламада: «Қазіргі уақыттағы маңызды басымдық — Қазақстан Қарулы күштері бөлімшелерінің жауынгерлік әзірлігі мен ұтқырлығын талап етілетін деңгейде ұстап тұру», — делінген.

Қорғаныс министрлігі әскери-патриоттық іс-шараларды жоспарлап, өткізіп жатыр. Аталған шаралар ерекше көзге түскен әскери қызметшілерді құрметтеу, соғыста қаза тапқан қазақстандық жауынгерлерді еске алу және олардың ерлігін БАҚ-та жариялау мақсатын көздейді.

JQ-Aqparat