«Бітпейтін сын мен хейт». Аида Балаева «сөз бостандығы жоқ» дейтіндерге жауап берді

Мәдениет және ақпарат министрі Аида Балаева «Казахстанская правла» газетіне сұхбат берді, деп хабарлайды jasqazaq.kz.
Сұхбатта министр ағымдағы жылы атқарылған жұмыстарға кеңінен тоқталды.
Газет тілшісі мемлекеттік органдарда тіркелу туралы ережеге көңілі толмайтындар бар екенін, олардың сотта жеңілгеніне тоқталып, осы мәселеге қатысты министрдің пікірін сұрады.
Аида Балаева: «Заң нормаларымен келіспесе, сотқа жүгіну — бүкіл әлемде қолданылатын өркениетті тәсіл. Дегенмен әлгі норманы әзірлеп, бекіту кезінде барлық заңнамалық рәсімдер сақталғанын айту керек. Бұл ереже Конституцияда кепілдік берілген сөз бостандығына қайшы келмейді. Ол журналистердің мемлекеттік органдар мен ұйымдарда тіркелу тәртібін реттейді. Басқа ештеңе емес. Әрі бұл — бүкіл әлемдегі БАҚ өкілдеріне қойылатын талап.
Қазақстанда алты мыңға жуық бұқаралық ақпарат құралдары тіркеліп, жұмыс істейді. Ал сотқа біздің ведомствоны ғана емес, басқа да мемлекеттік органдарды жүйелі түрде сынайтын 12 журналист шағым түсірді. Олар «сөз бостандығы жоқ» деп мемлекетке айып тақты. Бірақ олардың бітпейтін сыны, шенуніктерге ашық хейт жасауы, тіпті мына шағым да біздің елімізде сөз бостандығы бар екенін дәлелдейді емес пе?», — деп жауап берді.
JQ-Aqparat

Сурет: «Казахстанская правда»