Бішімбаевтың адвокаты: «Егер ол Салтанатты өлтіргісі келсе, киллер жалдайтын еді»

Фото: Видеодан кадр

Бүгін Қуандық Бішімбаевтың ісі бойынша сот жарыссөзі жалғасып жатыр. Айыпталушының адвокаты Ерлан Ғазымжанов өз дәлелін келтірді.

«Айыптаушы тарап Бішімбаевты аса қатыгездікпен адам өлтірді деп санайды. Қылмыстық кодексті қарасақ, адам өлтірудің не екенін көресіздер. Мұнда «қасақана өлтіру» деп тұр, яғни қасақана өлтірген жағдайда адам өлтірген болып саналады, ал қалған жағдайда адам өлтірді деп айыптауға болмайды. Біздің жағдайда,Бишімбаев өлімнің себебіне кінәлі екенін мойындайды, бірақ ол қасақана істеген жоқ, — дейді ол.

Ғазымжановтың айтуынша, егер ол Салтанаттың өлгенін қаласа, қала сыртына апарып, киллер жалдайтын еді. Одан кейін мәйітін көміп тастауына болар еді. Сондай-ақ оның пікірінше, айғақтарды жасыру мүмкін емес.

«Ал қанға боялған көйлекті жасырудың не қажеті бар еді? Онсыз да есік, перде, дәретхана мен сырт киімде қан іздері болды. Егер бөлмеде мәйіт жатса, оған Байжановтан бөлек бөтен екі адамды шақырмайтын еді. Ал мүсәтір спиртімен бүкіл саусақ іздерін жою мүмкін емес, — дейді адвокат.

JQ-Aqparat