Беташарға бергені осы болса, сыйлығы қандай?..

Блогер Артур Асқарұлы досының тойында беташарға қанша ақша түскені туралы жария етті.
«Тойға шақырылған қонақтар сандыққа ойланбастан қомақты сома салып жатты. Ашық тұрған кебежеге салынған ақшалай сыйлықтың мөлшері 5 мың – 1 миллион теңге аралығында.
«Беташар – қалыңдықты күйеуінің туған-туыстарына таныстыру рәсімі, қазақтың салт– дәстүрі. Ал қазір тонау сияқты көрінеді», – деп жазды.
Кәсіпкер Бейбіт Әлібеков 500 жүз мың теңге, Ұлықбек Шәріпов 1 миллион теңге, “Ирина Кайратовна” тобының мүшесі Алдияр Жапархан 5 мың теңге салды.
Досының қуанышты күнінде жомарттық танытқан жолдастары желі қолданушыларын таңғалдырды.
«Минутта пәтердің ақшасын шығарып алды”, “Осыларды беташарға шақырып, тойдың ақшасын жауып тастайды екенсің ғой”, “Жарайсыңдар, жігіттер. Жомарттық жақсы қасиет”, “Мынадан кейін Жеңіс келіншегінің бетін жасырмау керек”, “Беташарға бергені осындай болса, сыйлығы қандай болады?” – деп жазды.
JQ-Aqparat