Берiк Әбдiғали: Экстремизм ертең тiлді жамылуы мүмкiн

Қоғам қайраткерi Берiк Әбдiғали қазiр тiл мәселесiн шешпесек, ертең экстремизм мен терроризм оны пайдалануы мүмкін деп есептейді. 

Бүгін Астанада өткен жиында осы мәселеге қатысты өз пікірін білдірген саясаттанушы «Терроризм мен экстремизм тек қана дiндi жамылмайды. Ол бүгінде мүмкiндiгiнше қоғамдағы наразылық ниеттi жамылады. Әлеуметтiк мәселенi де, жамылады керек десеңiз, ертең тiл мәселесiн де жамылады. Бүгiнде қазақ тiлi мәселесi толыққанды шешiлмесе, ол да экстремистiк терроризмге әкелуi мүмкiн. Қазақ тiлi мәселесiн шешпесек, үлкен саяси проблемаға айналуы ықтимал», — дедi.

Оның айтуынша, тiл түйткілі қоғамда бiлiм саласындағы реформа мен жер секілді жан-жақты талқыланбаса, келешекте үлкен мәселе тудыруы мүмкін.