«БерӘли» компаниясының бұрынғы жұмысшылары райынан қайтты

Фото: bizmedia.kz

Еңбек дауы бойынша қарсылыққа шыққан «БерӘли» компаниясының бұрынғы жұмысшыларының мәселесіне нүкте қойылғандай. «Өзенмұнайгаз» акционерлік қоғамының баспасөз қызметі хабарламасында: «Жүргізілген жұмыстардың нәтижесінде «БерӘли Маңғыстау компаниясы» ЖШС-нің бұрынғы қызметкерлерімен келісімге қол жеткізілді. Олар «Мөлдір Мұнай Сервис» ЖШС-ға жұмысқа орналасу туралы осыған дейінгі ұсынысты қабылдады. Аталған компанияға жұмысқа ауысқаннан кейін «БерӘлидің» жұмысшыларының бұрынғы еңбек жағдайлары толықтай сақталады. Компанияның бұрынғы қызметкерлерін жұмысқа орналастыру шаралары «ҚазМұнайГаз» ұлттық компаниясының қағидаларына сай жүргізіледі» деп жазылған.

JQ-Aqparat