Бензин мен дизель отыны қымбаттайды

Елімізде жанармай бағасы қымбаттайтын болды.

АИ -92 мен АИ-93 маркалы бензиннің бағасы 11 пайызға өседі. Сөйтіп АИ-92 бензинінің бағасы қазіргі 182 теңгеден 205 теңгеге дейін өседі. Литрі 187 теңге тұратын АИ-93 бензинінің бағасы да осы шамада(205 теңге) болады.
Ал дизель отыны 20 пайызға қымбаттайды. Оның бағасы аймақтардағы 230-260 теңгеден 295 теңгеге дейін өседі.
Жанармайдың қымбаттауын энергетика министрлігі көрші елдердегі бағамен арадағы айырмашылықпен түсіндіреді. Яғни, арзан бензинді шетке шығарып, қымбатқа сату әрекеті тоқтамайды. Соның салдарынан жанармай өндірісі артқанымен, ішкі нарықта тапшылық сезілетін болады.
Министрлік жетекшісі Болат Ақшолақов көрші елдердегі дизел отыны бағасының біздегіден жоғары екенін атап өтті. Оның айтуынша, дизель отынының литрі Ресейде 345 теңге (45 пайыз қымбат), Қырғызстанда 390 теңге (64 пайыз), Өзбекстанда 480 теңге (101 пайыз) тұрады.

JQ-Ақпарат