Белгілі тележүргізуші Ж.Байсемізова шетел азаматымен тұрмыс құрды (фото)

«Қазақстан» ұлттық телеарнасындағы «Шетелдегі қазақ балалары» хабары арқылы танылған тележүргізуші Жанар Байсемізова тұрмысқа шықты. Оның таңдауы Украина азаматына түсіпті. Ол жігіт мұсылман екен. Сондықтан болар, жас жұбайлар некесін шариғат жолымен қидырған.

Бұл жаңалықты Фейсбуктың Зейнет Тұрарбекқызы есімді қолданушысы қуана жеткізді, деп хабарлалды Caravan.kz.

«Жанара, жаным, сен үшін өте қатты қуаныштымын! Қосағыңмен қоса ағар!»Болашақтың ақ таңдарын бақытпен қарсы алып, барлық ізгі армандарыңыз орындала берсін. Жаңа өмір жолында серіктеріңіз сәттілік, жолдастарыңыз жақсылық болсын. Сен бақытты болуға лайықты жансың!» дейді З.Тұрарбекқызы. Айта кетейік, Жанар Байсемізова қазір «Қазақстан-Атырау» телеарнасы директорының орынбасары.