Бейнеу тасжолында жантүршігерлік жол апаты орын алды (видео)

Daewoo Nexia жүргізушісі Бейнеу — Сай-Өтес тасжолының 405-ші шақырымында жол апатына ұшырады. Жолдың бұл бөлігі жөнделіп жатқандықтан, жабық тұрған. Жол апатынан екі ер адам зардап шекті, олардың бірі ауыр жағдайда жатыр.

Куәгерлердің айтуынша, оқиғаның салдары түсірілген видео 27 сәуірде таңғы сағат 06.00-де түсірілген. Куәгер жолдың бұл бөлігінде жөндеу жұмыстары жүргізіліп жатқандықтан, айналып өтетін жолдың жасалғанын хабарлады. Кадр сыртындағы адам жүргізушілерді сақ болуға шақырып отыр. Маңғыстау облыстық денсаулық сақтау басқармасындағылар осы жол-көлік оқиғасынан екі ер адамның зардап шеккенін айтты. Олар 1992 және 1987 жылғылар. «1992 жылғы ер адам бассүйек-ми жарақатын алған, бассүйек миы шайқалған, білек буынының жабық сынығы, құрсақ қуысының жабық сынығын алған. Оған ота жасалды. Ол Бейнеу аудандық орталық ауруханасының хирургия бөлімшесінде. Оның жағдайын дәрігерлер ауыр деп бағалап отыр, бірақ ол есін біледі. 1987 жылғы ер адам жарақаттан есеңгіреп қалған, сол жақ беті тілінген. Оған да ота жасалды, бірақ ер адам ауруханаға жатудан бас тартты», — деді Маңғыстау облыстық денсаулық сақтау басқармасының баспасөз хатшысы Бауыржан Әнуарбек.

https://youtu.be/gYgkbKwXumc

tengrinews.kz