Баян Мақсатқызы: «Қоғамға бар шындықты жайып салмақпын»

Апта басында ғана Баян Мақсатқызы жеке өміріне араласпаңыз деп еді өз оқырмандарына. Және елдің көзінше менің жеке өмірім құрдымға кетті деп жария салу – дұрыс емес деп еді Баян ханым. «Бәлкім керісінше, менде бәрі оңалып, енді Отаным үшін екі есе күшпен еңбек ететін шығармын, сіз бұны неге ойламайсыз»-деп сұрақ та қойып еді. Дұрыс.

Енді қарасақ, белгілі продюсер өмірінен сыр шертетін кітабы жарыққа шығатынын да жарияға жар салғаны кеше ғана. «Мен адамдарға өзімнің тірі жан екенімді, әйел екенімді жеткізгім келеді. Менің де бақытты болуға құғым бар дейді. Сол құқығым үшін күресемін дейді. Дұрыс-ақ!

Енді жаңа кітабын Баян Мақсатқызы ашылу кітабы деп атапты. Ашылып, қоғамға бар шындықты жайып салмақ ниетте. «Кейбіреулер мені түсінер, ал біреулер әрі қарай даттайды»- дейді отандық тележұлдыз.

Ол кітапты өткен жылдан бері мақтап келеді. Бір-екі бетін көрсетіп, «бомба» болады дегені және бар оқырмандарына. Сонда дейміз де, Баян Мақсатқызының кітабы жарық көргеннен кейін, ол қоғамда қызу талқыға түссе, ел тағы Баянның жеке өміріне араласады, қуанатын да болады, даттайтын да болады. Сондықтан Баян бәріне дайын болуы керек-ақ. Отыз тістен шыққан сөз отыз рулы елді қалай да табады. Ал енді ол кітапта болса… Негізі кітапты шығармай, «до лучших времен» қалдырған дұрыс па дейміз…

alashainasy.kz