Баян Мақсатқызы: Бақыт деген – махаббат дер едім

Баян Есентаева «Бақыт деген не?» деген сауалға жауап берді.

Күні кеше Баян Есентаева мен сүйіктісі Тұрсын Алагөзөвтың тойға дейін түскен суреттері әлеуметтік желілерді шарлап кетті. Қос ғашық танымал басылымдардың біріне сұхбат беріп, суреттерін журналдың мұқабасына жариялатқан екен. Аталған суреттердің фотошоп емес екенін продюсердің өзі байқатты.

Ол инстаграм желісіндегі парақшасында сүйіктісімен түскен суретін бөлісіп, тұсына «Маған «Бақыт деген не?» деген сұрақты жиі қояды. Қазір мен бұл сұрақтың нақты жауабын білемін. Бақыт деген – махаббат» деп жазып қойыпты. Әдеттегідей продюсер суретіне пікір жазуды бұғаттап қойған. Бұл туралы Stan.kz хабарлайды.