Басы кесілген әйел туралы ақпарат расталды (Видео)

12 сәуiр 2023, 17:39

Алматы полициясы басы кесілген әйелді өлтірген күдіктіні іздестіріп жатыр.
Бүгін сағат 08:42-де 102 пультіне Шолохов көшесіндегі қараусыз қалған ғимараттың жанынан әйелдің мәйіті табылғаны туралы полицияға хабарлама түскен.
Ақпарат расталды.
Тергеу-жедел тобы оқиға орнын тексерді: әйелдің басы кесілген. Оның жеке басы анықталды: 1976 жылы туған азаматша, тұрақты тұрғылықты жері жоқ, бұрын есірткі қылмысы үшін бірнеше рет сотталған.
Біраз уақыттан кейін сол маңдағы сауда орындарының бірінен әйелдің басы табылды.
Қазіргі уақытта аталған дерек бойынша Түрксіб аудандық полиция басқармасымен Қылмыстық кодекстің 99-бабы бойынша қылмыстық іс тіркелді.
Қылмысты ашуға және оның мән-жайын анықтауға бағытталған жедел іс-шаралар кешені жүргізілуде.
ҚР ҚПК-нің 201-бабы және Қазақстан Конституциясының талаптарына сәйкес қылмыстық істің өзге де мәліметтері жария етуге жатпайды.