Басшы — төртеу. Қосшы — біреу

Мемлекеттік мекемелерде бастық көп. Көптігі сонша, қара жұмысты атқаратын қызметкер жетіспейді.

Мемлекеттік қызмет жөніндегі агенттік төрағасының орынбасары Салауат Мүксімов осындай келеңсіз дерек келтірді. Атап айтқанда, экология және табиғи ресурстар министрлігі орталық аппаратының штатында 122 адам бар. Оның тең жартысы, яғни 61-і жетекші санатта. Ал министрліктің бір департаментінде, тіпті 4 бастыққа небәрі бір орындаушы. Яғни, мұнда директор, директордың орынбасары, екі басқарма бастығы және бас маман бар.

Сарапшылар мұндай ақпараттың алдағы сәрсенбіде өтетін Үкіметтің кеңейтілген жиыны қарсаңында жариялануын мемлекеттік мекемелердегі «қажетсіз дөкейлердің санын азайтуы мүмкін» дейтін болжамды алға тартуда.

JQ-Aqparat