Басқа әйелге кетуіңе болады: Майра Мұхаммедқызы 20 жыл балалы бола алмағанын айтты (Видео)

19 қараша 2024, 12:18

Қазақстанның халық әртісі Майра Мұхамедқызы Дана Нұржігітке сұхбат беріп, өзінің жолдасы туралы сөз қозғады.

«Екеуміздің арамызда 20 жыл бала болмады. Сол кезде мен оған «өліп кетсем де бала туып берем деп сөз бердім. Әйел ретінде саған қарызбын» дедім. Егер бала туа алмасам, басқа әйел алып кетуіңе болады деп рұқсатымды берем. Мен махаббатымды қиямын дедім. Ол баланы Алла беретінін айтты. Мәңгі сенімен бірге боламын деді. Сен тастамасаң, мен тастамаймын деп айтты. Мен өз сөзімде тұрып, қыз тудым», — дейді Майра Мұхаммедқызы.

М.Мұхамедқызы сондай-ақ күйеуі бәрін жүрегімен қуана істейтінін айтты.

Ешқашан шаршадым деп айтпайды. Барлығын махаббатпен істейді. Өзім де кейде таң қалам. Өнер жолыма қорған ретінде осы жігітті берген шығар деп ойлаймын. 18 жастан бері 40 жыл біргеміз», — деді әнші.