Астана қаласындағы логистикалық хаб 2 мыңнан аса адамды тұрақты жұмыс орнымен қамтуға мүмкіндік тудырып отыр. Мұны сауда және интеграция вице-министрі Қайрат Төребаев айтты.
«Астанада ресейлік Ozon компаниясының фулфимент орталығының құрылысы аяқталды. Логистикалық хаб қазақстандық кәсіпкерлерге онлайн-бизнесті ұлғайтуға, бірінші кезекте интернет-тапсырыстарды өңдеуге, тауарды тұтынушыға дейін жеткізу мерзімін қысқартуға және өңірде 2 мыңнан астам жұмыс орнын құруға мүмкіндік береді. Әлемдік алаңдармен ынтымақтастық шикізаттық емес экспортты ілгерілету, Қазақстаннан тауарлар жеткізу көлемін арттыру, сонымен қатар компанияларымызға қызығушылық тудыратын жаңа мүмкіндіктер ашу үшін түрткі болады. Осыған байланысты аталған бағыттағы қарқынды жұмыс жалғасады», — деді министрдің орынбасары Орталық коммуникациялар қызметінде өткен баспасөз мәслихатында. Қайрат Төребаевтың айтуынша, бүгінде аталған алаңда шамамен 15 мың отандық сатушы тіркелген. Өткен жылдың қорытындысында олардың сауда-саттық көлемі 10 млрд теңгеден асқан.
JQ-Aqparat
WhatsApp: +7 705 717 9113
