«Балам» дейтін елің болсын: Қазақстан азаматтары Ливаннан аман-есен жеткізілді

Таяу Шығыс өңіріндегі шиеленістің күшеуіне байланысты, Президент Қасым-Жомарт Тоқаевтың тапсырмасы бойынша және тиісті мемлекеттік органдардың қатысуымен Ливаннан Қазақстан азаматтарын және олардың отбасы мүшелерін елге эвакуациялау шаралары жүзеге асырылды.

Сыртқы істер министрлігінің мәліметінше, бұл операция Ыстамбұл және Дубай қалалары арқылы ұйымдастырылды. Соның нәтижесінде биылғы 17-31 қазан аралығында Бейруттан Астана мен Алматыға 41 адам аман-есен жеткізілді.
Эвакуация әскери қақтығыс аймағында қалған Қазақстан азаматтарының құқықтары мен мүдделерін қорғау мақсатында жүргізілді.

JQ-Aqparat
Сурет: gov.kz