Бақытжан Сағынтаев: Комиссия мүшелеріне өңірлерді аралауды ұсынамын

Жер реформасы жөніндегі комиссияның келесі отырысы аймақтарда өтуі мүмкін. Мұндай ұсынысты комиссия төрағасы Бақытжан Сағынтаев жасады, Премьер-министрдің бірінші орынбасары келесі отырысты Ақмола, СҚО, Павлодар және басқа облыстарда өткізіп, халықпен, шаруалармен кездесу керектігін айтты.

Алайда 75 адамның бірдей баруы шарт емес екенін тілге тиек етті. «Бір топты мен бастармын, бір топты Асқар Мырзахметов, одан кейінгісін Мұхтар Құл-Мұхаммед басқарып барар. Жалпы, елмен араласа, ақылдаса жүріп жұмыс жүргізу керек», — деді Б.Сағынтаев. Төрағаның бұл ұсынысына комиссия мүшелері қолдады.