Бұзауымен бірге қозы-лақтарды да емізген сиыр (видео)

Оңтүстік Қазақстан облысы, Түркістан қаласына қарасты Бабайқорған ауылының тұрғыны Төлеген Ибадуллаевтың сиыры өз бұзауын ғана емес, қорадағы қозы, лақтарды да емізеді екен. Бұл жөнінде ақын Қасымхан Бегманов өзінің Facebook-тағы парақшасына жазды. Бұл туралы nur.kz хабарлады.

«Туған ауылым Бабайқорғанда досым Төлеген Ибадуллаевтың қарашаңырағында жаңа ғана мына көріністі түсірдік. Төлегеннің мына сыйырын ембейтін төл жоқ екен. Қозы, лақ, бұзау бəрі кезек-кезек таласып емеді екен. Солардан қалғанын Ұлбосын балаларға сауып алады.

Қайран туған ауылым сағынып жеттім. Ата-анамның бейітіне барып мауқымды басқандай болдым. Құран оқыдық. Кластастарым қауыштым…

Мейірімсіз замандағы мейрімді көріністі видеоға түсіріп салдым», — деп жазған ақын.