БҚО-да жол апатынан көліктер отқа оранып, 5 адам көз жұмды (Видео)

26 қыркүйек 2016, 5:46

Орал-Атырау тас жолында болған оқиғаның салдарын өзге көлік жүргізушілері видеоға түсіріп алған. Видео осыдан 7 сағат бұрын Инстаграмда zello_atyrau тобында жарияланды.

Төтенше жағдайлар комитетінің ресми өкілі Руслан Иманқұлов апаттың орын алғанын растады.

«Астана уақыты бойынша сағат 20:00-де Батыс Қазақстан облысының Ақжайық ауданында Орал-Атырау автожолының 208-210-шақырымында Mercedes жеңіл көлігі мен «ГАЗель» машинасы соқтығысты. Соққы салдарынан екі көлік те отқа оранды. Екі жүргізуші мен Mercedes-те болған үш жолаушы қаза болды», — деп анықтады Руслан Иманқұлов.

Оқиға орнына БҚО Төтенше жағдайлар департаментінің өкілдері, өрт сөндіру құрамы және ҚР ІІМ Төтенше жағдайлар комитеті Трассалық медициналық-құтқару бекетінің дәрігерлері шықты.

https://www.instagram.com/p/BKyLaQmANSH/?taken-by=zello_atyrau

ҚазАқпарат