«ҚазМұнайГаз» АИ-92 бензинін қолма-қол ақшаға сатпай жатыр ма?

«ҚазМұнайГаз» жанармай құю бекеттерінде АИ-92 маркалы бензинін қолма-қол ақшамен сатпай жатыр, — деп хабарлайды Tengrinews.kz тілшісі.

«ҚазМұнайГаз» анықтама бөліміндегілердің айтуынша, қазіргі уақытта АИ-92 маркалы бензин тек клуб картасы немесе талоны бар клиенттерге сатылып жатыр. «Клиентте карта немесе талон болса, ол еш қиындықсыз жанармайын құйып алады. Дәл қазір біз АИ-92 маркалы бензинін қолма-қол ақшамен сата алмаймыз. Кейбір жерлерде АИ-92 қолма-қол ақшаға сатылып жатыр. Бірақ онда тек 10 немесе 20 литр жанармай құюға болады», — деді компанияның анықтама бөліміндегілер.
Сондай-ақ, олар «ҚазМұнайГаз» жанармай құю бекеттеріне қысқы дизель отыны келмегенін айтты. Қысқы дизель отыны әзірше тек Астанада, Алматыда және Павлодарда бар екен.