Азия чемпионатынан алтын бұйырмай тұр

10 сәуiр 2023, 10:29

Астанада күрес түрлерінен Азия чемпионаты жалауын желбіретті. Құрлық додасын грек-рим күресінің балуандары бастаған. Өкінішке қарай Азия чемпионы деген атақ әзірге бізге бұйырмай тұр. 87 келі салмақта Нұрсұлтан Тұрсынов финалда сүрініп, күміс медальді місе тұтты. 55 келіде Аманғали Бекболатов пен Мұхамедәлі Мамырбек (63 келі), Әлімхан Сыздықов (130 келі) қола медаль иеленді. Әлем чемпионатының күміс жүлдегері Демеу Жадыраевқа да қола медаль олжалаудың орайы келген. Бірақ күші жетпей ұтылып қалды. Азия чемпионатының алғашқы күнгі нәтижесінде 4 алтын, 1 күміс медаль алған Иран құрамасы көш басында келеді. Қырғыз балуандары 1 алтын, 1 қола жүлде алып екінші сатыға жайғасты.
Азия чемпионаты 14 сәуірге дейін жалғасады.

JQ-Aqparat