Қазақстандық балуан Олимпиада алдында есімін өзгертті

28 шiлде 2016, 1:20

Еркін күрес бойынша Қазақстан құрамасы атынан шығатын Тыва Республикасы Чадан қаласының тумасы Артас Санаа есімін өзгертті, — деп хабарлайды ҚазАқпарат. Осылайша, Рио-де-Жанейродағы Олимпиадада Нұрислам Санаев қазақтың көк байрағы үшін сынға түсетін болады.

20160727161322
«Артас Санаа Қазақстан азаматтығын алып, ислам дінін қабылдаған соң, есімін өзгерту туралы шешім қабылдаған. Енді Нұрислам Санаев Риодағы Олимпиада ойындарында еркін күрес бойынша 57 келі салмақта еліміздің намысын қорғайтын болады», — деп хабарланды Вконтакте желісінде Kazakhstan Wrestling Online.
Жаңартылған әлемдік рейтингте спортшының сегізінші орында тұрғанын атап өткен жөн.