Ayree: Мені түсінетін жанды таппадым…

Әнші Ayree (Әйгерім Рақышева) соңғы берген сұхбатында біраз сырын ақтарды.

«Мен біреумен кездеспес бұрын барлығын ашық айтамын. Уақытты құр өткізгім келмейді. Одан «Жауапкершілік алуға дайынсың ба?» деп миллион рет сұрадым. Маған қолдау білдіретін, отбасы болатын адам керек. Шынымды айтсам, менің көңілімді тапқысы келетін жігіттер көп. Әйгеріммен емес, Ayree-мен кездескісі келетіндер көп. Менің сезімімді талқандап кеткен қарым-қатынасты бастан өткердім. Ол менің өзім жайлы көпшілікке айтқанымды қаламады. Ол мені ұнатқанымен, басқа дүниелерді қабылдай алмады. Мен мұны кеш түсіндім. Мұны маған сатқындық жасап, қорлап, жүрегімді жаралағаннан кейін ғана түсіндім. Осыдан соң екі жыл күйзелісте жүрдім», — деді.

Әнші ұлы үшін ешқашан ұялмағанын жеткізді. «Ұлым үшін, оның ерекше бала болғаны үшін ешқашан ұялған емеспін. Тек отбасыма ешкім тіл тигізбесе екен дедім. Осыдан біраз уақыт бұрын берген сұхбатымда отбасым жайлы бар шындықты айтқым келген. Ал сол кезде кездескен азаматым рұқсат бермеді. «Әлі уақыты келмеді» деді. Алайда сол уақытта түсінбеппін. Біз екі жыл кездестік. Ол да шоу-бизнес адамы. Бұл жағдай мен үшін сабақ болды. Жанымда болатын, мені түсінетін адамды әлі таппадым», — дейді әнші.

JQ-Aqparat