Автобуста жолаушыны «ойбайлатып» кететін ұры ұсталды (Видео)

Алматыда қоғамдық көлікте ұрлық жасаған азамат ұсталды. Алматы қалалық Полиция депортаменті хабарлағандай, қалта ұрысының ұрлық жасау сәті камераға түсіп қалған. Ол қоғамдық көліктегі жолаушының ұялы телефонын ұрлап, қылмыс үстінде ұсталды.
«Аялдамада ұрлық жасаған 44 жастағы күдікті ұсталды. Оның қылмыстық олжасы «Поко M5» маркалы ұялы телефоны болды. Ол оны әйелдің күртесінің қалтасынан ұрлап, оған 100 мың теңге көлемінде материалдық залал келтірген. Тергеудің осы кезеңінде ұсталған азаматтың осыған ұқсас 4 бөтеннің мүлкін ұрлауға қатыстылығы анықталды. Күдікті негізінен аялдамаларда, атап айтқанда қарбалас уақытта ұрлық жасап жүрген. Қазіргі уақытта сотқа дейінгі тергеу амалдары жүргізілуде. Күдікті қамауға алынды», — деді Медеу аудандық ПБ-на қарасты полиция бөлімінің бастығы, полиция полковнигі Әбдінұр Тасыбаев.

JQ-Aqparat