Ауруханаға түскен жаралы науқастың артынан бірнеше ер адам мекемеге баса-көктеп кірген (Видео)

21 наурыз күні сағат 16:00-де Еңбекшіқазақ ауданының ПБ Шелек ауылының ауруханасынан 1986 жылғы А. есімді азаматтың дене жарақаттарымен хирургиялық бөлімге жеткізілгені туралы хабарлама келіп түсті.

polisia.kz хабарлауынша, сол күні Шелек ауылы ПБ СДТБТ — да ҚР ҚК 293-бабының 3-бөлігі «Бұзақылық» бойынша қылмыстық іс тіркелді.

Тергеу барысында зардап шеккен адам мен 1988 жылғы И. есімді азамат арасында Наурыз мерекесі өткен ауылдың шетінде ауызша жанжал туып, төбелеске ұласқан, нәтижесінде соңғысы денсаулыққа зиян келтіру үшін арнайы бейімделген затты пайдаланып, А. есімді азаматқа дене жарақатын салған.

21 наурыз күні азамат А. емделіп жатқан медициналық мекемеде орын алған , 1990, 1994, 1996 және 1997 жылғы төрт адамның заңсыз әрекеттері видеоға түсірілген.

Жоғарыда аталған адамдар мен қылмыстың негізгі фигуранты ұсталып, қамаққа алынды.

Қазір жәбірленушіге қатысты сот-медициналық сараптама тағайындалды.

Тергеу органы істің барлық мән-жайын анықтау үшін тергеу жүргізіп жатыр.

JQ-Aqparat