Аудандық білім бөлімінің басшысы 543 миллион жымқырды деген күдікке ілінді

Қызылорда облысының сыбайлас жемқорлыққа қарсы қызметі Жаңақорған аудандық білім бөлімінің басшысы мен бухгалетріне қатысты қылмыстық істі тергеп жатыр.
Сыбайлас жемқорлыққа қарсы іс-қимыл агенттігінің хабарлауынша, Жаңақорған аудандық білім бөлімінің басшысы білім беру мекемелерінде жұмыс істемейтін өзге тұлғалардың есеп-шотына еңбекақы есебінде ақша аударған. Осындай жолымен мемлекет қаржысының 543 миллион теңгесін жымқырды деген күдікке ілініп, ҚР Қылмыстық кодексінің 189-бабы 4-бөлігі, 2-тармағы бойынша тергеу жүргізіліп жатыр.
«Қызылорда қаласының мамандандырылған тергеу сотының санкциясымен күдіктілер қамауға алынды. Қылмыстық процестік кодексінің 201-бабына сәйкес тергеу мүддесі үшін өзге ақпарат жария етуге жатпайды», – деп хабарлады сыбайлас жемқорлыққа қарсы іс-қимыл агенттігінің баспасөз қызметі.

JQ-Aqparat