Атыстан алты сарбаз мерт болды (видео)

Шешенстандағы әскери бөлімшеге шабуыл кезінде РФ Ресей гвардиясының алты жауынгері мерт болды.

Мұның алдында Шешенстанның Наурская станица ауданында «алты лаңкестің» әскери бөлімшеге шабуыл жасағаны белгілі болды. «Әскери қалашық аумағына кірмек болған кезде топты әскери жасақ байқап қалып, қақтығысқа түседі. Алты шабуылдаушының да көзі жойылды. Атыс кезінде алты сарбаз қаза болды және жарақаттанғандар бар. Қазіргі кезде қақтығыс болған жер қоршауға алынды». tengrinews.kz хабарлағандай, лаңкестер қалың тұман түскен уақытта әрекетенгені айтылады. Болған жайттың анық-қанығын білуге Ресей Федерациясы Ресей гвардиясы әскерінің орталық аппаратынан жедел топтың Шешенстанға аттанғаны хабарланып отыр.