Атыраудағы қамыс өрті неден тұтанды?

Атырау облысындағы қамыс өрті бүгін-ертең толық өшіріледі. Бұл туралы Төтенше жағдайлар министрі Юрий Ильин айтты.

«Барлық төтенше жағдайда түптеп келгенде адамдар зардап шегеді. Ал өртке қатысты төтенше жағдай көбіне адами факторға байланысты. Табиғатта да, тұрмыстық жағдайда да өрттің 80 пайыздан астамына адамдар кінәлі», — деді ол.

Министр Атыраудағы қамыс өртіне заңсыз аң және балық аулаушылар кінәлі болуы мүмкін екендігін жоққа шығармады.

«Қазіргі уақытта Атырау облысындағы ахуал бақылауда тұр. Дегенмен, адам аяғы немесе техника жетуі қиын жерлер бар. Біз өртті сөндіруге су шашатын құрылғысы бар әуе кемелерін қосымша жұмылдырдық. Меніңше, бүгін және ертең өрт ошағын толықтай өшіреміз», — деді Юрий Ильин.

JQ-Aqparat