Атырауда 15 жасар қызды күйеуге күштеп бергені туралы ақпарат тарады: Полиция қылмыстық іс қозғады

Әлеуметтік желіде 15 жастағы қыздың жазбасы тарады. Ол өзін 20-дағы жігіт зорлағанын, оның ата-анасы жазадан қорқып екеуін үйлендіру үшін жүгіргенін жазады. Ақырында анасы қызын беруге көнеді.

Қыздың айтуынша, қазір оған күйеуінің туыстары ұрып-соғып күн көрсетпей жатқан көрінеді. Оның үстіне аяғы ауыр.

Атырау облыстық полиция департаменті қазір тергеу жүріп жатқанын хабарлады.

«Осы факті бойынша қылмыстық іс қозғалды. Жәбірленуші тарап тергеудің бастапқы кезеңінде қажетті сот-медициналық және психиатриялық сараптамадан өтуден бас тартты. Бұл қылмысты толық тергеп-тексеру әрекеттерін жүргізуге кедергі келтірді», — делінген Атырау облыстық полиция департаменті таратқан хабарламада.

JQ-Aqparat

Сурет: Depositphotos.com