«Атамекеннің» экс-төрағасы ұсталды

«Атамекен» кәсіпкерлер палатасының бұрынғы басшысы Абылай Мырзахметов ұсталды. Әлеуметтік желіде кейбір дерек көздері экс-шенеуніктің 30 миллион доллар пара алғанын жазды.

Сыбайлас жемқорлыққа қарсы іс-қимыл агенттігі «Сотқа дейінгі тергеп-тексеру басталғанын растаймыз. Тергеу шаралары жалғасып жатыр», — деді. Абылай Мырзахметов 2013 жылдың қыркүйегінен 2022 жылыдң ақпан айына дейін «Атамекен» ұлттық кәсіпкерлер палатасының төрағасы лауазымын атқарды. 2003 жылдары А.Мырзахметов мемлекет мүлкін ұрлауды ұйымдастырды деген күдікке ілініп, 5 жылға бас бостандығынан айырылған болатын.
Антикор Мырзахметовке қатысты қосымша мынадай ақпаратты жариялады.
«Ол алаяқтық жасады және туысын қылмыстық жауапкершіліктен босатуға көмектесу үшін кәсіпкерді аса ірі көлемде пара беруге итермеледі деген күдікке ілінген.
Мырзахметов Астана қаласының уақытша ұстау изоляторына қамалды.
Қазіргі уақытта оның басқа да қылмыстарға қатысы бар-жоғы тексеріліп жатыр».

JQ-Aqparat