Қ. Қасымов ЭКСПО аумағында болған апаттың себебін түсіндірді

ЭКСПО аумағында декоративті шатыр құрылысы құлауының себебі анықталды. Бұл туралы ҚР Ішкі істер министрі Қалмұханбет Қасымов мәлім етті, деп хабарлайды ҚазАқпарат. «Сараптама нәтижесі шықты. Оны жариялаймыз. Басында металл деп еді, бірақ металл (сапасы) дұрыс болған, дәнекерлеушілер дұрыс істемеген»,-деді бүгін министр Сенатта жалпы отырыс барысында тілшілер сауалына жауап бере отырып. Өздеріңіз білетіндей, 2016 жылдың қарашасында көрме аумағындағы декоративті нысан ортасынан опырылып түскен еді. Құрылысшылар оқиғаны видеоға түсіріп алып, әлеуметтік желіде таратқан болатын. Тәуелсіз сарапшылар «декоративті көпір мердігер таңдаған сапасыз металдан салынған және ол металл аязға шыдамай құлады» деген қорытынды шығарды.