Астанада бокстан әлем чемпионаты өтеді

Келесі жылы бокстан әйелдер арасындағы әлем чемпионаты Астана қаласында өтеді.
Халықаралық бокс федерациясының (IBA) директорлар кеңесі Ташкент қаласында өткен ресми жиналысында осындай шешім қабылдады.
Қазақстан бокс федерациясының халықаралық қатынастар жөніндегі вице-президенті Әзиз Қожамбетов әйелдер арасындағы әлемдік доданы елімізде өткізу жөнінде ұсыныс жазып өтінім берген. Арулар арасындағы аламан дода «Барыс-Арена»к ешенінде өтеді. «Қазақстан сияқты мықты бокс елінің IBA-ның ірі турнирлерінің бірін өткізетініне қуаныштымын. Бұған дейін осындай дода Астанада 2016 жылы өткен, енді, міне, қайта оралғалы отыр. Мен тамаша чемпионатты асыға күтемін және алдағы жылы Астанада бас қосатын боксшыларды құттықтаймын», — деді IBA президенті Умар Кремлев.

JQ-Aqparat