Астана неге түтінге көмілді?

Астана қаласын басқан түтін туралы елорданың төтенше жағдайлар департаменті пікір айтты. Департаменттің баспасөз қызметі бас қаланың маңайында ешқандай өрттің тіркелмегенін, астаналықтарды тұншықтырған түтіннің басқа аймақтан келіп жатқанын жеткізді.
«Қаладағы жағдай көршілес Ақмола облысындағы Бурабай және Зеренді аудандандарындағы құрғақ шөптің өртенуінен және Павлодар облысындағы өрттен болуы мүмкін. Халық арасында өрт қауіпсіздігі ережелерін түсіндіру мақсатында департамент қаланың саяжайлары мен тұрғын алаптарында дауыс зорайтқыш құрылғылармен профилактикалық іс-шаралар жүргізуде. Табиғат аясында жанып тұрған темекі тұқылын тастамаңыз, балалардың сіріңкемен ойнауына жол бермеңіз және от пен шыны ыдысты және сынған әйнекті қалдырмаңыз. Демалыс орынынан кетерде алауды сумен немесе топырақпен толық сөндіріңіз. Өрт, қоқыс және тұрмыстық қалдықтарды жағу кезінде өрт қауіпсіздігі ережелерін бұзғаны үшін әкімшілік жауапкершілік қарастырылғанын ескертеміз», — деп мәлім етті төтенше жағдайлар департаментінің баспасөз қызметі.

JQ-Aqparat