Астана әкімінің орынбасары сұраққа жауап бермеді

Астана қаласы әкімінің орынбасары Қосман Айтмұхаметов азық-түлік белдеуінің тиімділігіне қатысты сауалға жауап бере алмады.

Бүгін үкімет мәжілісінде премьер-министр Бақытжан Сағынтаев Астана қаласы әкімінің орынбасарына сауал қойды.

Б.Сағынтаев: — Қосман Қайыртайұлы, Астана маңындағы азық-түлік белдеуінің тиімділігі қандай? «ҚазАгро» арқылы қаржы бөлінді,бірнеше жоба жасалды.

Қ. Айтмұхаметов: — Бақытжан Әбдірұлы, қазір біз Ақмола және Қарағанды облыстарымен қарқынды жұмыс істеудеміз. Оларға барлық ірі сауда орталықтарынан орын бөлдік. Апта сайын жәрмеңке ұйымдастырамыз. Осы екі аймақтағы ең ірі тауар өндірушілері қатысуда.

Б.Сағынтаев:«Қосман Қайыртайұлы, мен сізден басқаны сұрап тұрмын. «ҚазАгро» арқылы арнайы қаржы бөлінді. Жобалар жүзеге асты. Осы жобалардың тиімділігі қандай? Азық-түлік белдеуіне қанша жоба жасалды, тиімділігі қандай? Біз олардан азық-түлік аламыз ба, жоқ па?

Қ.Айтмұхаметов: (үнсіз)

Б.Сағынтаев: Түсінікті