Аста-төк өмірін көрсеткен қазақстандық футболшы көптің ашуына тиді

05 сәуiр 2023, 16:21

Отандық футболшы Дінмұхаммед Қашкен өзінің 20 жастағы сүйіктісі, модель әрі блогер Мерей Әбіловаға қымбат сыйлықтар сыйлап, көптің қызу талқысына түсті.

Қымбат дүкендерге барған сәтін футболшының сүйіктісі өзінің Instagram желісінде жариялаған. Ондағы видеода қос ғашықтың Париж қаласында жүргенін көруге болады.
Сонымен бірге онда футболшының Loro Piana, Saint Laurent, Cartier, Dior және Prada дүкендерінен қымбат сыйлық алып жатқан сәтін анық көруге болады.

Видео соңында қос ғашық Париждегі қымбат мейрамханалардың бірінде тамақтанады.
Естеріңізде болса, 23 жастағы қазақстандық футболшы бұған дейін сүйіктісі Мерей Әбіловаға Эйфель мұнарасының басында үйлену туралы ұсыныс айтқан еді. Қазіргі таңда футболшы литвалық «Жальгирис» футбол командасында өнер көрсетеді.