Аша Матай алаяқ жарнамашыларды сотқа бермекші

Босанғаннан кейін жанкүйерлер оның аздап салмақ қосқанын байқаған еді. Алайда дүниеге тұңғышын алып келгеннен кейін Аша Матай тез арада сырт келбетін қалыпқа келтіріп алды.

Бұл жайтты желіде артық салмақтан арылтатын қоспаларды жарнамалайтындар тиімді пайдаланып үлгерді. Stan.kz хабарлағандай,  олар Ашаның суретін оның рұқсатынсыз жарнамаға шығарып, препаратты саудалаған.

Бұл ретте Ашаның өзі мұндай жарнамаларға сенбеуге шақырды. Ал алаяқтарға ескерту жасап, келесіде сотқа жүгінетінін мәлімдеді.

“Назар аударыңыздар! Мына бассыздыққа менің еш қатысым жоқ. Мұның қандай препарат екенін де білмеймін. Оны қолданған емеспін және бұл eco slim-нің түрін де көрмегем! Мұндай арсыз жолмен менің есімімді кім пайдаланады осы? Не де болса, соңғы рет ескертемін, халықты алдауды доғарыңыздар! Әйтпесе сотқа арызданамын”, – деп жазады Аша Матай желідегі парақшасында.