Қашқынды қуамын деп аяғын үсітті

Бандыны қуған бүгінгінің Хамиті! Ақтөбеде қоныс колониясынан қашқандарды ұстамақ болған түрме қызметкері он шақырым бойына жазасын өтеушілер мінген машинаға жармасып жатқан. Сөйтіп, 34 жастағы әділет майоры Нұржан Жидеханов аяқ-қолын үсітіп алыпты.

Ktk.kz хабарлағандай, ол мұндай жағдайға қоныс колониясынан қашқан екі адамда іздеп жүріп тап болған. Жазасын өтеушілер бір апта бұрын медициналық тексеруге кетіп, сол күйі оралмапты. Олардың қала шетінде Тойота көлігімен қашып жүргенін естіп, майор сол жерге жеткен. Оны көріп қылмыскерлер қашпақ болғанда, Нұржан Жидеханов жүріп бара жатқан көлікке жармасып алады. Төбесіне жабысқан күйде он шақырым жер жүріпті. Тек тәртіп сақшылары көліктің жолын бөгеп, майор аман қалды. Енді осы үшін қос қашқын жаза үстіне тағы да жаза арқалайтын болды.

Нұржан Жидеханов, КА-168/3 түзеу мекемесінің қызметкері:

-Құлайтынымыды біліп, машинаның үстіне мініп алдым. Екі жағында ұстайтын тірегі бар екен. Соны ұстап жаттым төбесінде. Жылдамдығын түсіре бастағанда, сол кезде мен машинаның төбесінен құладым.